सोलुखुम्बुः  तेन्जिङ हिलारी विमानस्थल लुक्लामा एक हप्ताको अवधिमा हवाइजहाजमार्फत १०१ जना विदेशी पर्यटकको आगमन भएको छ । विश्वको सर्वोच्च शिखर सगरमाथाको प्रवेशद्वारका रूपमा रहेको खुम्बु क्षेत्रको भ्रमण सम्पन्न गरी लुक्ला हुँदै फेरि हवाइजहाजमार्फत काठमाडौँ फर्किने पर्यटकको जम्मा सङ्ख्या १५० जना रहेको विमानस्थल प्रशासनले जनाएको छ । 
    पदयात्रा र भ्रमणमा आउने आन्तरिक तथा बाह्य पर्यटकहरूको यात्रालाई सुरक्षित बनाउन स्थानीय प्रहरी र पर्यटक प्रहरीलाई संयुक्त रूपमा खुम्बु क्षेत्रको शान्तिसुरक्षा व्यवस्था मिलाउने कार्यमा विशेष प्राथमिकताका साथ परिचालन गरिएको छ । पर्यटकहरूलाई हिमाली क्षेत्रमा पर्न सक्ने सम्भावित समस्या, स्वास्थ्य जोखिम वा सुरक्षा चुनौतीहरूको तत्कालै सम्बोधन गर्न यो संयुक्त टोलीले यस क्षेत्रमा नियमित गस्ती र निगरानी गरिरहेको प्रहरीले जनाएको छ।