सोलुखुम्बु :  सोलुखुम्बुमा भालुको आक्रमणबाट एक जना घाइते हुनुभएको छ । आज दिउसो करिब ४ बजेको समयमा भालुको आक्रमणबाट सोलुदुधकुण्ड नगरपालिका २ का ३५ वर्षीय ग्याल्जेन शेर्पा घाइते भएको जिल्ला प्रहरी कार्यालय सोलुखुम्बुका सूचना अधिकारी निर्मल थापाले जानकारी दिनुभयो । 
जुनबेशी सामुदायिक वनमा च्याउ टिप्न गएको अवस्थामा आक्रमण गरेको हो । भालुको आक्रमणबाट शेर्पाको अनुहार लगायत शरिरका विभिन्न भागमा गम्भिर चोट लागेको छ । अहिले जिल्ला अस्पताल फाप्लुमा उपचार भइरहेको प्रहरीले जनाएको छ ।