सोलुखुम्बु :    जिल्ला अस्पताल फाप्लुमा एक वर्षमा ११३ जनाले सुरक्षित प्रसुति सेवा लिएका छन । गत आर्थिक वर्ष २०८१÷८२ मा अस्पतालमा आएर ११३  आमाहरुले सुरक्षित प्रसुति सेवा लिएको जिल्ला अस्पताल फाप्लुले जनाएको छ । जस मध्ये ४४ जनाको शल्यक्रिया र  ६९ जनाको सामान्य प्रसुति गराइएको अस्पतालका मेडिकल रेकर्डर सुपरभाइजर सुजा गुरुङले जानकारी दिनुभयो। । पौष र चैत्र महिनामा सबैभन्दा कम प्रसूति भएको छ । दुवै महिनामा ६–६ वटा मात्र प्रसूति भएको थियो ।

उहाँका अनुसार गर्भवती महिलाले गर्भावस्थामा अधिकतम ८ पटक सम्म स्वास्थ्य परीक्षणमा सहभागी भए बापत ८ सय प्राप्त गर्ने सुविधा रहेको छ भने हिमाली भेगका क्षेत्रमा सबै महिलालाई यातायात खर्च ३ हजार रुपैया प्रदान गर्ने गरिएको गुरुङले बताउनुभयो । यसले महिलालाइ नियमित स्वास्थ्य जाँच गर्न प्रोत्साहन गर्ने र गर्भावस्था सम्बन्धी जोखिम कम गर्ने उदेश्यले कार्यक्रमलाई जारी राखेको अस्पताले जनाएको छ ।  आर्थिक बर्ष २०८० ÷ ८१ मा १६३ जनाले प्रसुति सेवा  लिएका थिए ।