सोलुखुम्बु : कोशी प्रदेशको खानेपानी, सिँचाइ तथा ऊर्जा मन्त्रीमा सोलुखुम्बुका  बुद्धिकुमार राजभण्डारी नियुक्ति हुनुभएको छ । मुख्यमन्त्री हिक्मतकुमार कार्कीले सोमबार मन्त्रिपरिषद् विस्तारका क्रम राजभण्डारीलाई दोस्रो पटक मन्त्रीमा नियुक्त गर्नुभएको हो ।   मुख्यमन्त्री कार्कीले मोरङका लिलाबल्लभ अधिकारीलाई आन्तरिक मामिला तथा कानुन मन्त्री,  धनकुटाका निरन राईलाई आर्थिक मामिला तथा योजना मन्त्रीमा नियुक्ति गर्नुभएको छ । 
यस्तै कार्कीले सुनसरीका रामप्रसाद मेहतालाई उद्योग, कृषि तथा सहकारी राज्यमन्त्रीमा नियुक्त गर्नुभयो  ।

 यसअघि एमालेबाट तिलकुमार मेन्याङ्बो, पिके राई, एकराज कार्की, सिर्जना राई मन्त्री भइसकेका छन् । संविधानको धारा १६८ (३) अनुसार बनेको  एमाले अल्पमतको सरकारले आगामी असोज २० गतेसम्म विश्वासको मत लिइसक्नुपर्नेछ ।