सोलुखुम्बु  : सोलुखुम्बु जिल्लामा राष्ट्रिय भिटामिन ‘ए’ कार्यक्रम अन्तर्गत ६ महिनादेखि ५९ महिना उमेर समूहका कुल ५ हजार १ सय जना बालबालिकालाई भिटामिन ‘ए’ क्याप्सुल खुवाइएको छ । यसैगरी, १२ महिनादेखि ५९ महिना उमेर समूहका ४ हजार ५ सय ५ जना बालबालिकालाई जुकाविरुद्धको औषधि खुवाइएको जिल्ला  स्वास्थ्य कार्यालय फाप्लुले जनाएको छ ।
 जिल्ला स्वास्थ्य कार्यालयका अनुसार भिटामिन ‘ए’ क्याप्सुल खानेमध्ये ६ देखि ११ महिना उमेर समूहका ४ सय ७१ जना र १२ देखि ५९ महिना उमेर समूहका ४ हजार ६ सय २९ जना बालबालिका रहेका छन्।      यस्तै थुलुङ दुधकोशी गाउँपालिकामा ६ देखि ११ महिना उमेरका १ सय ६ जना र १२ देखि ५९ महिना उमेरका १ हजार ९ जना गरी कुल १ हजार १ सय १५ जना बालबालिकालाई भिटामिन ‘ए’ क्याप्सुल खुवाइएको छ । यसैगरी, ८ सय ८८ जना बालबालिकालाई जुकाको औषधि खुवाइएको छ ।
   सोताङ गाउँपालिकामा ६ देखि ११ महिना उमेरका ५५ जना र १२ देखि ५९ महिना उमेरका ४ सय २३ जना गरी ४ सय ७८ जना बालबालिकाले भिटामिन ‘ए’ क्याप्सुल प्राप्त गरेका छन्। यहाँ ४ सय ११ जना बालबालिकालाई जुकाको औषधि खुवाइएको छ ।
    महाकुलुङ गाउँपालिकामा ६ देखि ११ महिना उमेरका ४५ जना र १२ देखि ५९ महिना उमेरका ५ सय जना गरी कुल ५ सय ४५ जना बालबालिकालाई भिटामिन ‘ए’ क्याप्सुल खुवाइएको छ । त्यस्तै, ५ सय जना बालबालिकालाई जुकाको औषधि प्रदान गरिएको छ ।  माप्यदुधकोशी गाउँपालिकामा ६ देखि ११ महिना उमेरका ६३ जना र १२ देखि ५९ महिना उमेरका ५ सय ९९ जना गरी कुल ६ सय ६२ जना बालबालिकालाई भिटामिन ‘ए’ क्याप्सुल खुवाइएको छ । यहाँ ५ सय ९९ जना बालबालिकाले जुकाको औषधि सेवन गरेका छन्।
   खुम्बु पासाङल्हामु गाउँपालिकामा ६ देखि ११ महिना उमेरका २८ जना र १२ देखि ५९ महिना उमेरका ३ सय ४२ जना गरी ३ सय ७० जना बालबालिकालाई भिटामिन ‘ए’ क्याप्सुल खुवाइएको छ । साथै, ३ सय ४२ जना बालबालिकालाई जुकाको औषधि पनि प्रदान गरिएको छ। नेचासल्यान गाउँपालिकामा ६ देखि ११ महिना उमेरका ४७ जना र १२ देखि ५९ महिना उमेरका ४ सय ५८ जना गरी कुल ५ सय ५ जना बालबालिकाले भिटामिन ‘ए’ क्याप्सुल प्राप्त गरेका छन्। यहाँ ४ सय ७० जना बालबालिकालाई जुकाको औषधि खुवाइएको छ ।
   लिखु पिके गाउँपालिकामा ६ देखि ११ महिना उमेरका १४ जना र १२ देखि ५९ महिना उमेरका २ सय ५३ जना गरी कुल २ सय ६७ जना बालबालिकालाई भिटामिन ‘ए’ क्याप्सुल खुवाइएको छ । त्यस्तै, २ सय ५० जना बालबालिकालाई जुकाको औषधि वितरण गरिएको छ ।    जिल्लाको एकमात्र नगरपालिका सोलु दुधकुण्ड नगरपालिकामा ६ देखि ११ महिना उमेरका १ सय १३ जना र १२ देखि ५९ महिना उमेरका १ हजार १ सय ४५ जना गरी कुल १ हजार २ सय ५८ जना बालबालिकालाई भिटामिन ‘ए’ क्याप्सुल खुवाइएको छ । त्यसैगरी, १ हजार १ सय ४५ जना बालबालिकालाई जुकाको औषधि खुवाइएको जिल्ला स्वास्थ्य कार्यालयले जनाएको छ ।