कार्यक्रम उत्पादक तथा प्रस्तोता आवश्यकता सम्बन्धि सोलुखुम्बुको सुचना प्रदेश नम्बर १ कै पहिलो सामुदायिक रेडियो १ हजार वाट क्षमता मार्फत प्रदेश नम्बर १, २ र ३ को सम्पुर्ण भुभागका प्रशारण क्षमताको सोलु एफ एम १०१.२ मेगाहर्जमा आकर्षक सेवा सुविधा सहित समाचार सहायक, कार्यक्रम उत्पादक तथा प्रस्तोता केहि संख्यामा आवश्यक परेकाले इच्छुक योग्यता पुगेका नेपाली नागरिकबाट दरखास्त आवहान गरिन्छ । शैक्षिक योग्यता ः पत्रकारीता बिषयमा आईएड वा सो सरह उत्तीर्ण गरि रेडियोमा समाचार तथा कार्यक्रमको क्षेत्रमा कम्तीमा १ बर्षको कार्यअनुभव भएको । उमेर ः १८ वर्ष पुरा भई ४५ बर्ष ननाघेको, रेडियो तोकेको जुनसुकै क्षेत्रमा गई काम गर्नसक्ने थप जानकारीका लागि मो. ९८५२८५१००७, ९८०८९२५४४८ र ९८४२८६८४९३ इमेल मार्फत पनि निवेदन दिन सकिने छ । इमेल ठेगाना ः [email protected] सम्पर्क मिति २०७४ साल पुस ५ गते सम्म सेवा सुविधा खाना बस्न, गाडीभाडा सहित मासिक आपसी समझदारीमा ।
ताजा खबर

समाचार

  • पत्ताले क्षेत्रमा यतिबेला पर्यटकीय मौसम

    news

     
    माग २५
    सोलुखुम्बुको पत्ताले क्षेत्रमा यतिबेला पर्यटकीय मौसम छाएको छ   । छोटो दूरीमै सगरमाथालाई सिधा आँखाले हेर्ने एक मात्र सहज गन्तव्य रहेकोले पनि पत्ताले पर्यटकीयस्थल बन्दै गएको हो । पत्तालेबाट निलो आकाश खुलेपछि सगरमाथा, अमादाब्लम, थामसेर्कु, गौरीशंकर, मकालु र (दूधकुण्ड) नुम्बुर र कर्लेलुङ हिमाल देखिन्छन् । ‘पत्ताले’ नयाँ पर्यटकीय गन्तव्यको रूपमा विकास हुँदै गएको स्थानीय प्रकाश मगर बताउँनुहुन्छ   । वर्षा र गर्मी मौसममा बादलले हिमाल छेक्ने भएकाले पनि जाडो महिना लागेपछि पत्ताले सगरमाथा हिमशृंखला हेर्ने उत्तम गन्तव्य मानिन्छ । 
     
    सोलुदूधकुण्ड नगरपालिका वडा नं  ८ मा पर्ने पत्तालेमा धेरैजसो पर्यटक सडकमार्ग हुदै आउने गर्दछन् । सोलुखुम्बु –ओखलढुंगा सडकखण्डमा पर्ने पत्तालेमा मासिक रुपमा सयौ आन्तरिक र बाहय पर्यटक पुग्ने गरेका छन्  । टाटासुमो वा बस चढेर एक हजार देखि १३ सय  रुपैयाँ भाडा तिरेर आउन सकिन्छ । पत्ताले घुम्ने उपयुक्त मौसम मंसिरदेखि फागुन सम्मलाई मानिन्छ । पत्तालेमा दर्जनभन्दा बढी होटल रहेको होटल व्यवसायी संगिता मगरले बताउनुभयो । 
    विभिन्न अबसर, पर्व मनाउन सोलुखुम्बु, ओखलढुंगा र खोटाङ लगाएतका जिल्लाबासीहरुको यहाँ बाक्लो उपस्थिति हुनेगर्छ । समुद्र सतहदेखी करिब २९०० मिटरको उचाईमा अवस्थीत यस क्षेत्रमा गुँरास र चिमल फुल्ने समय चैत्र अन्तिम देखी बैशाखको दोस्रो साता झनै मनमोहक सबैको मन भुलाउने वातावरण हुने होटल व्यवसायी एवं स्थानीय खिलबहादुर श्रेष्ठको भनाई छ । 
    केहि तल लालीगुँरास, चिमल फुलेको त केहि माथी आलुको बुक्मा र झनै माथी नाङ्गो पाखा जहाबाट सोलुखुम्बुको अधिकांस भुभाग, खोटाङ, ओखलढुंगा, उदयुर, भोजपुरको समेत दृश्यअवलोकन गर्न सकिन्छ । पत्ताले बाट पैदल यात्रीका लागी तिङ्ला, समुद्र सतह देखी ६०० मिटरको उचाईमा रहेको तुईनटार, काँगेल डाँडा बिमानस्थल, मुक्लि र देउसाको झरेनी, देउसाको जालीम, पावै, सोताङ, बुङको मेरापीक हुदै सगरमाथाको आधारशिविर सम्म पुग्न सकिन्छ । हाल सम्म पत्ताले क्षेत्रमा भ्रमणमा आउने पर्यटकको तथ्यांक राख्ने प्रणाली भने सुरुवात भइसकेको छैन । पर्यटक प्रवेशका लागि पनि कुनै शुल्क लाग्दैन ।   
     
    सर्वोच्च शिखर सगरमाथा अवस्थित सोलुखुम्बुमा प्राकृतिक रुपमा सुन्दर महत्वपुर्ण  पर्यटकीय स्थल रहेका छन् । कृषिले सुधारिएको जीवनशैली र जैविक विविधता युक्त सोलुखुम्बु जिल्लामा स्थान विशेष पयर्टकीय गतिविधि हुने गरेका छन्  । पर्यटकीय गतिविधि र चहलपहल बढेसँगै ग्रामीण क्षेत्रका बासिन्दाको आम्दानीमा पनि वृद्धि भएको छ । कृषिउपजले राम्रो मूल्य पाउन थालेका छन् । आन्तरिक र बाहय पर्यटकलाई आकर्षित गर्न बर्से्नि विभिन्न कार्यक्रम आयोजना हुने गर्दछ ।    यतिबेला अफसिजन भएकाले खुम्बु क्षेत्रमा पर्यटकको चहलपहल नरहेको  सगरमाथा राष्ट्रिय निकुञ्जले जनाएको छ । खुम्बुमा चैतदेखि फेरि अर्को सिजन सुरु हुन्छ ।
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org