समाचार

  • भाउ घटेपछि महाकुलुङ बासी खुशी

     
    सोलु एफएम, सोलुखुम्बु 
    पछिल्लो समय जुनसुकै बस्तुमा मंहगी बढीरहदाँ सोलुखुम्बुको कोशी पारी क्षेत्रमा भने खाद्यान्न लगायत बस्तुमा भाउ घटेको छ । दुधकोशी पुलबाट गाडी वारपार गर्न थाले सगैँ दैनिक उपभोग्य बस्तु सँगै अन्य बस्तुको भाउ घटेको हो । 
    महाकुलुङको बुङमा सामान पाइने मुल्यमा अहिले गुदेलमा नै सामान पाउन सकिने भएको छ । पहिले दिप्ली देखि खच्चडबाट सामान ढुवानी गर्नुपर्दा सामानहरु महंगो पर्ने गरेकोमा अहिले सवारी साधनले सामान ढुवानीमा लागत कम भए सँगै मुल्य घटेको महाकुलुङ गाउँपालिका वडा नं ४ का व्यापारी सिद्धमान कुलुङले बताउनुभयो । अहिले सोताङ सम्म गाडीबाटै सामानहरु लगिन्छ ।
    स्थानीय जैजराम कुलुङले सामानको भाउ घटेकोमा खुशी व्यक्त गर्नुभयो । उहाँका अनुसार पहिले मख्खन चामल २० केजिको २५ सय पर्ने गरेकोमा अहिले २३ सय, चाउचाउ प्रतिकार्टुन ७ सय ७० पर्ने गरेकोमा अहिले ७ सयमा किनबेच भईरहेको छ । 
    यस्तै जस्तापाताको मुल्यमा पनि प्रतिबण्डल ५ सय सम्म मुल्य घटेको हामौ प्रतिनिधि तारा कुलुङले जानकारी दिनुभयो । सवारी साधनको पहुँचमा आए सगैँ त्यहाका स्थानीय हर्षित भएका छन् । स्थानीय नन्द कुमारी कुलुङले बर्षोको सपना पुरा भएको भन्दै आफुहरुलाई राहत मिलेको बताउनुभयो । यसरी सवारी साधन पुगेपछि महाकुलुङ गाउँपालिका बासी लाभान्वित भएका छन् । 
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org