समाचार

  • लुक्लाका सनकुमारले जिते गाएन स्टार बन्दै बजाज कम्पनीको बाईक ।

    news

    पुस २३, २०७४

    सोलु एफ एम, सल्लेरी ।

                   सोलुखुम्बु गाएन स्टार सिजन २ को उपाधि लुक्लाका सुनकुमार तामाङ्गले जित्नुभएको छ । दर्शकको मत, निर्णायकको अंक तथा आयोजकको तर्फबाट गरिएको मुल्यांकनका आधारमा तामाङ पहिलो स्टार बन्नुभएको हो । आफ्ना ६ जना प्रतिस्पर्धीलाई पछि पार्दै तामाङले प्रतियोगिता जितेको फ्रेण्डसिप युथ क्लवका अध्यक्ष महेश किरातीले जानकारी दिनुभयो । तामाङले बजाज कम्पनीको मोटरवाइकको साथमा नगद १० हजार प्राप्त गरेका छन् ।

                    प्रतियोगितामा विनोद राई उपविजेता हुन सफल हुनुभएको छ । यस्तै भोज कुमार राई तृतिय स्थानमा आउनु भएको छ । डोमा शेर्पा, खगिन्द्र नाछिरीङ, रन्जना राई, केशव राई क्रमशः चौथो, पाँचौ, छैटौ र सातौ स्थानमा रहनुभयो ।  द्धितिय र तृतिय हुनेले क्रमशः नगद ३० हजार र २० हजार प्राप्त गरेका छन् । अन्यले ५÷५ हजार नगद प्राप्त गरेका छन्् । जिल्लाको विभिन्न स्थानमा लुकेर रहेको गायन प्रतिभालाई बाहिरा ल्याउने उदेश्य सहित फ्रेण्डशिप युथ क्लव केन्द्रिय कार्यालय सोलुखुम्बले प्रतियोगिता आयोजना गरेको हो ।

                     सोलुखुम्बुको हकमा  गायन प्रतियोगिता मध्ये सबैभन्दा ठुलो पुरस्कार राशीको प्रतियोगिता हो । सोलुखुम्बु गाएन स्टार प्रथम सिजनमा प्रवेश राई विजेता बन्नुभएको थियो । यस्ता प्रतियोगिताले सांगितीक क्षेत्रमा अघि बढ्न चाहानेका लागि निकै महत्व राख्ने चर्चित गायीका कुन्ति मोक्तानले बताउनुभयो । वहाले कार्यक्रममा बोल्नुहुदै उपधि जित्नुमात्र ठुलो कुरा नभई प्रतिभालाई निरन्तरता दिदै अगाडी बढ्न प्रमुख रहेको बताउनुभयो । प्रतियोगीतामा भाग लिएर उपाधि जितेपछि आफ्नो कलालाई जीवन्त नबनाउँदा आफुसंग भएको कलाले सार्थकता नपाउने वहाको भनाई छ ।

                    प्रतियोगिता फाइनल राउण्डमा वरिष्ठ संगितकार तथा गाएक बसन्त सापकोटा, राष्ट्रिय ख्याति प्राप्त गायिका कुन्ती मोक्तान, चर्चित गाएक राजेश पायल राई सोलुखुम्बु आउनुभएको थियो । शुक्रबार देखी सल्लेरीमा जारी फाईनल राउण्डको नजिता शनिबार राती सांगितिक साझका साथमा सार्वजानीक गरिएको थियो ।

     

     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org